प्रिय विद्यार्थी, अभिभावक तथा शुभेच्छुक महानुभावहरू,
श्री लुभू माध्यमिक विद्यालय परिवारको तर्फबाट यहाँहरू सबैलाई हार्दिक स्वागत गर्दछु। हाम्रो विद्यालयले विद्यार्थीहरूलाई गुणस्तरीय शिक्षा प्रदान गर्दै उनीहरूको बौद्धिक, नैतिक तथा सामाजिक विकासमा निरन्तर योगदान पुर्याउँदै आएको छ।
आजको प्रतिस्पर्धात्मक युगमा केवल पाठ्यपुस्तकमा सीमित शिक्षा पर्याप्त हुँदैन भन्ने कुरालाई आत्मसात गर्दै विद्यालयले आधुनिक, व्यवहारिक तथा प्रविधिमैत्री शिक्षामा विशेष जोड दिएको छ। अनुभवी शिक्षक, अनुशासित वातावरण, अतिरिक्त क्रियाकलाप तथा विद्यार्थीमैत्री शिक्षण पद्धतिमार्फत प्रत्येक विद्यार्थीको क्षमता अभिवृद्धि गर्ने हाम्रो प्रयास रहेको छ।
विशेषगरी कक्षा ११ मा सञ्चालन हुने Management तथा Computer Science कार्यक्रममार्फत विद्यार्थीहरूलाई भविष्यका लागि सक्षम, आत्मविश्वासी र दक्ष नागरिक बनाउने लक्ष्य राखिएको छ।
विद्यार्थी, अभिभावक तथा सम्पूर्ण समुदायको विश्वास, सहयोग र साथले नै विद्यालयलाई अझ उत्कृष्ट बनाउन प्रेरणा मिलेको छ। आगामी दिनहरूमा पनि गुणस्तरीय शिक्षासँगै उत्कृष्ट नतिजा प्रदान गर्दै अघि बढ्ने प्रतिबद्धता व्यक्त गर्दछु।
धन्यवाद।
प्रधानाध्यापक
श्री लुभू माध्यमिक विद्यालय
महालक्ष्मी–८, लुभू, ललितपुर
